Legg'e natura

‘A natura subbr’a terra
è ‘nu libru sempr’apertu...
L’animale fa lla guerra
Pac’e bene vò llu spertu.

‘U leone d’a matina
va circandu ‘na gazzella
e za rosa malandrina
a chijù tunda gallinella.

Vol’a rùatu ‘u rapinu,
pue se jètt’allantresàta,
pìa nu bellu repulinu
ppe n’de fare ‘na mangiata.

E lli pisci de ‘ntro mare
chi se mangianu tra ìlli
‘u rriposanu a circare
‘i chjiù ràndi ‘i piccirilli.

Si pue pìacura te fai
c’è llu lupu chi te mangia
ed è mìagliu ppemmu ‘a sai
si vò ppemmu ‘a cosa cangia.

E’ ‘na legge d’a natura
ccu llu bùanu e ccu llu malu
e ppe quant’u mundu dura
resterà ppe sempre ‘u gualu!