'na vespa chi volàva

Na vespa chi volava ‘ntra ‘na scola
arremuràu tuttu ‘u corpu docente,
mma ‘ud’era nente.
‘U sgrùsciu chi facia era potente
parìa ‘n’elicotteru c’atterra
mma ‘ud’era nente.
Chine canusce a chine ‘ud ha mai vistu
chine è cchju spertu ‘e chillu
ch’è cchju sbertu
e chianu se scindìa lle scale ad’irtu.
Tiranu ‘i nìarvi allu pendinu
e tira chjù nu pilu all’irtu
c’o sciartu alla discesa puru ca
chiove finu finu e l’atru è grassu
chi sta ppe scattare ‘na fotografia
chi ‘u sse sa si venìa.
Ma liberu volava subra ‘e neglie
n’apparecchiu mericanu, jetta
lla bomba e si ‘nde va.
‘U rumbu sgasciàva l’aria subra ‘a capu
malata chi ‘u mìadicu l’avìa bisitata
e tata era partutu ccu llu ciucciu
e lla capizza cci l’avìa ‘ncroccata
allu cùallu ma ‘u capeccùallu era
fracìtu cumu l’ùavu chi puzzava
e fetìa e tutti chi fujìanu
ammìanzu ‘a via nova ca ‘a
vecchia ‘u sse fhuttulìa...